Muzeylar bo‘ylab sayohat
30.09.2025
Prezidentimiz Sh.M.Mirziyoevning 5-tashabbus doirasidagi 1-tashabbusi ya’ni yoshlarni san’at va madaniyatga bo‘lgan qiziqishlarini yanada oshirish maqsadida, “TIQXMMI”- MTU “Gidromelioratsiya” fakultetining 1-bosqich 105-guruh talabalariga Toshkent shahridagi A. Qaxxor, Y. Rajabiy kabi uy -muzeylarga tashrifi tashkil etildi.
Yurtimizdagi muzeylar o‘zining boy eksponatlari va tarixiy qadriyatlari bilan tashrif buyuruvchilarga O‘zbekistonning boy madaniy merosi va tarixi haqida chuqur bilim berish imkoniyatini yaratadi. Muzey eksponatlari orqali talabalar mamlakatning tarixiy voqealari, muhim shaxslari va ularning yutuqlari haqida bilim olishadi. Bu esa yoshlarda milliy o‘zlikni anglash, o‘z madaniyati va tarixiga qiziqishni oshirishga yordam beradi.
Bu kabi tashriflar talabalar o‘rtasida milliy g‘urur va mas’uliyat hissini uyg‘otib, ularni o‘z mamlakatlarining madaniy va tarixiy merosini saqlash va unga hurmat bilan qarashga undaydi.
Umuman olganda, tarixiy obidalar va muzeylarga tashriflar talabalarga nafaqat o‘z milliy meroslarini yaqindan tanish imkonini beradi, balki ularning kelajakda o‘z mamlakatlarining rivojlanishi va gullab-yashnashida faol ishtirok etishlari uchun zarur bo‘lgan muhim saboqlarni ham beradi.
“Gidromelioratsiya” fakulteti tyutori G.Z.Axmedjanova axboroti
Universitet matbuot xizmati
