“Men ham chempion bo‘laman!” — Energetika fakultetida dekan kubogi musobaqalari ko‘tarinki ruhda o‘tkazildi
19.09.2026
Sport - bu
nafaqat g‘alaba, balki matonat, jamoaviylik va o‘z kuchiga ishonch timsolidir!
2026-yil 17–18
sentyabr kunlari “TIQXMMI” Milliy tadqiqot universiteti Energetika fakulteti
talaba-yoshlari o‘rtasida “Besh tashabbus olimpiadasi” doirasida “Men ham
chempion bo‘laman...!” shiori ostida Dekan kubogi musobaqalari yuqori kayfiyat
va ko‘tarinki ruhda tashkil etildi.
Musobaqalardan
ko‘zlangan asosiy maqsad — talabalarning bo‘sh vaqtlarini mazmunli tashkil
etish, ularni sog‘lom turmush tarziga keng jalb qilish, sportga bo‘lgan
qiziqishini yanada oshirish, jamoaviylik va do‘stlik muhitini mustahkamlash
hamda iqtidorli yoshlarni qo‘llab-quvvatlashdan iborat.
Ikki kun davomida Energetika
fakultetining sportsevar va shijoatli talabalari mini-futbol, voleybol, stol
tennisi va shaxmat sport turlarida o‘z mahoratlarini namoyish etdilar.
Ayniqsa,
musobaqalar davomida talabalarning yuksak intilishi, g‘alabaga bo‘lgan
ishtiyoqi, jamoaviy hamjihatligi va haqiqiy sportga xos raqobat muhiti barcha
ishtirokchilarga yuqori kayfiyat bag‘ishladi.
Musobaqalarning
har bir yo‘nalishi Energetika fakultetida sportga bo‘lgan e’tibor,
talaba-yoshlarning tashabbuskorligi va sog‘lom raqobat muhiti tobora yuksalib
borayotganini yana bir bor namoyon etdi.
Dekan kubogi nafaqat sport
musobaqasi, balki fakultet talabalarini bir maqsad — sog‘lom, faol va har
qanday sinovga tayyor avlodni shakllantirish yo‘lida birlashtirgan katta tadbirga
aylandi.
“Men ham chempion bo‘laman...!”
Bu shior —
shunchaki musobaqa nomi emas. Bu har bir talaba qalbidagi g‘oliblikka intilish,
o‘z ustida ishlash va “men uddalay olaman!” degan ishonchning ifodasidir.
Energetika fakultetida esa
chempionlar uchun kurash davom etadi!
Zero, bugungi
maydon qahramonlari — ertangi kunning buyuk mutaxassislari!
Energetika fakulteti — ilmda kuch, sportda
shijoat, hayotda g‘alaba!
